सायबर चोरट्यांनी तरुणाला भीती घालत उकळले 14 लाख
ऑनलाइन फसवणुकीत १४ लाख रुपयांनी पुण्यातील नागरिकाची फसवणूक
पुणे : पहलगाम येथील हल्ल्यात सहभागी असलेल्या अतिरेक्यांना आर्थिक मदत केल्याचा आरोप करीत मनी लॉन्ड्रींगच्या नावाने सायबर चोरट्यांनी एका तरुणाला 14 लाखांना गंडवले. याप्रकरणी पोलिसांनी अज्ञात व्यक्तींवर गुन्हा दाखल केला आहे. ही घटना १ ऑक्टोबर २०२५ ते ३ ऑक्टोबर २०२५ या कालावधीत घडली.
राजेंद्र मोहंती (वय ३७, रा. ७०४, सुरभी पार्क, नागरस रोड, औंध) यांनी फिर्याद दिली आहे. पहेलगाम हल्ल्यातील अतिरेक्यांना पैशाची मदत
केले बाबतचे पुरावे सापडले असे खोटे सांगुन अटक करण्याची धमकी देउन ऑनलाईन फसवणुक करण्यात आल्याचे समोर आले आहे.
फिर्यादी राजेंद्र मोहंती यांना काही व्यक्तींनी ऑनलाइन संपर्क साधत स्वतःला गुंतवणूक सल्लागार आणि व्यवसाय भागीदार म्हणून सादर केले. त्यांनी मोहेती यांना सांगितले की, त्यांना ऑनलाइन अ‍ॅपवरून चॅट आणि कॉलद्वारे धमक्या देण्यात आल्या. आरोपींनी त्यांच्यावर मानसिक दबाव आणत, तुम्ही पैसे दिले नाहीत तर तुमची बदनामी सोशल मीडियावर करू, अशी धमकी दिली. चतु:शृंगी पोलिसांनी या प्रकरणाचा तपास सुरू केला आहे. पोलिसांच्या प्राथमिक तपासानुसार, ही आंतरराज्यीय सायबर फसवणूक टोळी असल्याचा संशय आहे.
