धानोरीत महिलेच्या डोक्यात वार करुन खुन
सेट्रिंग काम करणार्‍या कामगाराला विश्रांतवाडी पोलिसांनी केली अटक
पुणे : धानोरी येथील बी यु भंडारी ग्रीन क्रॉम्स सोसायटीच्या मोकळ्या जागेत डोक्यात वार करुन एका महिलेचा खुन केल्याचा प्रकार समोर आला आहे. सोसायटी परिसरातील सीसीटीव्ही फुटेजवरुन विश्रांतवाडी पोलिसांनी सेंट्रिंग काम करणार्‍या कामगाराला अटक केली आहे.
गिता विक्रम रेड्डी (वय ४५, रा. टिंगरे चाळ, धानोरी गावठाण) असे खुन झालेल्या महिलेचे नाव आहे. विश्रांतवाडी पोलिसांनी रामध्यान महाबल चौहान (वय ३१, रा. बी यु भंडारी ग्रीन सोसायटी, धानोरी) याला अटक केली आहे. ही घटना धानोरीतील बी यु भंडारी ग्रीन क्रॉम्स सोसायटीच्या मोकळ्या जागेत सोमवारी दुपारी ४ वाजण्यापूर्वी घडला.
पोलिसांनी दिलेल्या माहितीनुसार, बी यु भंडारी ग्रीन क्रॉम्स सोसायटीच्या मोकळ्या जागेत एका महिलेला मृतदेह पडल्याची माहिती पोलीस नियंत्रण कक्षाला मिळाली. पोलिसांनी घटनास्थळी जाऊन पाहणी केल्यावर महिलेच्या डोक्यामध्ये मारुन तिचा खुन करण्यात आला होता. सोसायटीच्या परिसरातील सीसीटीव्हीची तपासणी करताना रामध्यान चौहान हा या महिलेबरोबर दिसून आला. त्यावरुन पोलिसांनी त्याला अटक केली आहे. या महिलेची ओळख पटली असली तरी तिचे कोणी नातेवाईक अद्याप समोर आले नाही. खुन करणार्‍या मागे नेमके कारण काय याचा पोलीस शोध घेत असून पोलीस उपनिरीक्षक पद्धमराज गंफले तपास करीत आहेत.
