पुणे | ४ ऑक्टोबर २०२५
पुणे-सोलापूर महामार्गावरील शेवाळेवाडी येथील कृषी उत्पन्न बाजार समितीसमोर शनिवारी मध्यरात्री बाराच्या सुमारास झालेल्या भीषण अपघातात एका महिलेला जागीच प्राण गमवावे लागले. मृत महिलेची ओळख वैशाली विजय गलांडे (रा. शुक्रवार पेठ, पुणे) अशी करण्यात आली आहे.
प्राथमिक माहितीनुसार, वैशाली गलांडे या आपल्या दुचाकीवरून प्रवास करत असताना एका वेगवान वाहनाने त्यांना जोरदार धडक दिली. अपघात इतका भीषण होता की त्या जागीच ठार झाल्या. घटनेनंतर परिसरात काही काळ वाहतूक कोंडी निर्माण झाली.
घटनेची माहिती मिळताच हडपसर पोलिसांनी घटनास्थळी धाव घेत मृतदेह ताब्यात घेऊन तो पोस्टमार्टमसाठी ससून रुग्णालयात पाठवला आहे. संबंधित वाहनचालकाविरुद्ध अपघाताचा गुन्हा नोंदवण्याची प्रक्रिया सुरू आहे.
या अपघातामुळे स्थानिकांमध्ये संतापाचे वातावरण असून, महामार्गावरील बेफाम वेग आणि वाहतूक नियंत्रणातील त्रुटींवर प्रश्नचिन्ह उपस्थित केले जात आहेत.
#PuneAccident #PuneNews #Hadapsar #Shevalewadi #SolapurHighway #TrafficUpdate #RoadSafety #AccidentAlert #PuneCity #PuneLive #BreakingNews #VaishaliGalande #PunePolice #MaharashtraNews #thelakhantalkenglish #thelakhantalk #दलखनटॉक
