रा.स्व. संघाचे सरसंघचालक मोहन भागवत यांच्या हस्ते हिंदू सेवा महोत्सवाचे उद्घाटन

पुणे : हिंदू आध्यात्मिक सेवा संस्थेतर्फे हिंदू सेवा महोत्सवाचे आयोजन दिनांक १९ ते २२ डिसेंबर २०२४ दरम्यान पुण्यामध्ये करण्यात आले आहे. यामध्ये हिंदू संस्कृती, संस्कार आणि सेवा कार्याचे विराट दर्शन पुणेकरांना घडणार आहे. याकरिता स.प.महाविद्यालय मैदानावर भव्य मंडप उभारण्यात आले असून सर्व तयारी पूर्ण झाली आहे.

महोत्सवात शीख समाजाच्या त्यागाची कहाणी सांगणारे ‘सफर ए शहादत’ हा साऊंड अँड लाईट शो गुरुवार, दि.१९ डिसेंबर रोजी सायंकाळी ७ ते ९.३० यावेळेत होणार आहे. युनायटेड सिंग सभा फाऊंडेशन तर्फे या कार्यक्रमाचे आयोजन करण्यात आले असून महाराष्ट्र पंजाबी साहित्य अकादमी, महाराष्ट्र शासन यांचे सहकार्य मिळाले आहे. पंजाबी रंगमंच पाटियला यामध्ये सादरीकरण करणार असून माता गुजरी पासून गुरु तेगबहादूर जी, गुरु गोविंदसिंग, साहेबजादे व बंदा बहादुर यांच्यापर्यंत समाजबांधवांवर जे जे अत्याचार झाले, ते नाट्यस्वरूपात पाहायला मिळणार आहे. याकरिता पटियाला येथुन कलाकार पुण्यामध्ये आले आहेत.